Landspítali efnir til í málstofu 11. október næstkomandi kl. 11.30 – 16.30 í Iðnó undir yfirskriftinni Styrkjum böndin, samfella í heilbrigðisþjónustu við aldraða. 

Málstofan er lokuð og þar koma saman forsvarsmenn og fagaðilar innan heilbrigðis- og félagsþjónustu við aldraða einstaklinga hér á höfuðborgarsvæðinu og er markmiðið að kryfja ósótt tækifæri og lausnir innan núverandi kerfis.

Fulltrúi LEB í málstofunni er Helgi Pétursson formaður.

Varpað verður ljósi á þau málefni sem hvað brýnast er að ráðast til úrlausna á og greina leiðir til að draga úr hindrunum í ferlum þar sem heilbrigðisþjónusta við aldraðan einstaklinga fer frá einni stofnun eða aðila til annars.  Áhersla verður lögð á það sem hægt er að leysa í samvinnu heilbrigðisstofnana að mati þeirra sem þekkja heilbrigðisþjónustu við aldraða. 

Auk forstjóra Landspítala hefur heilbrigðisráðherra staðfest þátttöku sína.