Síðustu vikur hefur verið í gangi undirbúningur vegna heildstæðrar stefnuvinnu í málefnum eldra fólks í Reykjavík.  Stefnan á að endurspegla og hafa samhljóm við áherslur í öðrum stefnum Reykjavíkurborgar er lúta að velferð borgarbúa.

Velferðarráð hefur skipað stýrihóp með kjörnum fulltrúum sem hefur falið Ráðgjafa- og hugbúnaðarfyrirtækinu

Í ferlinu er horft til þess að til grundvallar liggur skuldbinding Reykjavíkurborgar frá árinu 2015 um að Reykjavík sé aldursvæn borg.   Horft verður til átta málefnasviða Alþjóðaheilbrigðismálastofnunar (WHO) um aldursvænar borgir við mótun stefnunnar. Málefnasviðin átta eru útisvæði og byggingar, samgöngur, húsnæði, félagsleg þátttaka, virðing og félagsleg inngilding, virk samfélagsþátttaka og atvinnumöguleikar, samskipti og upplýsingar, samfélags- og heilbrigðisþjónusta.

Með hliðsjón af málefnasviðunum er ljóst að stefnumörkunin þarf að hvíla á aðkomu allra hagaðila, fulltrúum frá öllum sviðum borgarinnar og stórs hóps sérfræðinga og fagfólks.

Í tengslum við vinnuna er stór samráðsfundur þriðjudaginn 27. febrúar frá kl. 13-16 í Borgum, Spönginni 23.

 Á fundinum munum verður unnið með áherslur og aðgerðir  út frá málefnasviðunum átta  sem nefnd voru hér að ofan.

Fundinn sækir Viðar Eggertsson skrifstofustjóri LEB