Hægt er að smella á mynd til að stækka hana
Frá fundi með þingflokki Framsóknar. Á hægri hönd eru Halla Signý Kristjánsdóttir varaformaður þingflokksins og Ingibjörg Isaksen, formaður þingflokks Framsóknar. Frá LEB mættu ásamt formanni þau Drífa Sigfúsdóttir varaformaður, Björn Snæbjörnsson, formaður kjaranefndar og Þorbjörn Guðmundsson stjórnarmaður.
Fundur með þingflokki Framsóknarflokksins var haldinn mánudaginn 9. september sl.
Á fundinn mættu þingmennirnir Ingibjörg Isaksen og Halla Signý Kristjánsdóttir frá Framsóknarflokki ásamt formanni og fulltrúum LEB.
Á fundinum var farið yfir stöðu eldri borgara, aðbúnað og lífskjör. LEB kynnti sín áherslumál í kjaramálum og þingmenn fengu að sjá glærur yfir þá miklu kjaragliðnun sem átt hefur sér stað síðastliðin ár. Okkar aðal áhersla er á að bæta kjör þeirra sem lakast standa og draga úr skerðingum. Við leggjum mikla áherslu á að stoppa í kjaragliðnunar gatið. Þingmenn tóku málflutningi okkar vel og sýndu vilja til að bregðast við vandanum þar sem hann er mestur.
Í fundarlok var ákveðið að halda samtalinu áfram um þau mál sem mest brenna á okkar fólki og gengu menn af fundi með bjartsýni og bros á vör.